உங்கள் மனம் கவர்ந்த சின்னத்திரைக் கலைஞர்களைத் தேர்வு செய்ய ரெடியா?

தமிழ்த் தொலைக்காட்சி உலகம் பெரும் வளர்ச்சியைக் கண்டிருக்கிறது. 'சீரியல்கள் என்றாலே இல்லத்தரசிகளுக்கான பொழுதுபோக்கு' என்ற பொதுப் பார்வையை உடைத்துப் பல நெடுந்தொடர்கள் இன்று குடும்பங்கள் கொண்டாடும் வெற்றியைப் பெற்றுவருவதே இதற்குக் காரணம். குறிப்பாக இளைஞர்களைக் கவரும் படைப்புகளையும் போட்டிப் போட்டுத் தயாரிக்கின்றன டிவி சேனல்கள். அப்படி நம் மனதை ஆக்கிரமித்த சின்னத்திரைக் கலைஞர்களைக் கொண்டாடும் ஒரு விழா இதோ...

கடந்த 2023-ம் ஆண்டுக்கான சிறந்த சின்னத்திரைக் கலைஞர்களைத் தேர்ந்தெடுத்து, அவர்களை மேடையேற்றி மகுடம் சூட்டத் தயாராக இருக்கிறது விகடன். பலதரப்பட்ட நடிகர்கள், தொழில்நுட்பக் கலைஞர்களைக் கௌரவிக்கும் மாபெரும் விழாவாக நடக்கவிருக்கிறது 'ஆனந்த விகடன் சின்னத்திரை விருதுகள் - 2023'.

இதன் பிரத்யேக ஹைலைட் என்னவென்றால் இதில் 9 விருதுகளுக்கு மட்டும் வெற்றியாளர்களைத் தேர்ந்தெடுக்கப்போவது வாசகர்களான நீங்கள்தான்! 'ஃபேவைரட்' பிரிவில் கொடுக்கப்படும் இந்த விருதுகளுக்கு ஏற்றவாறு பரிந்துரைகள் கீழே கொடுக்கப்பட்டிருக்கும். ஒவ்வொரு பிரிவிலும் அந்த விருதுக்குத் தகுதியானவர் என நீங்கள் நினைக்கும் ஒருவருக்கு உங்களின் வாக்கை அளியுங்கள். கூடவே 'ஆனந்த விகடன் சின்னத்திரை விருதுகள்' குறித்த ஒரு அட்டகாசமான ஸ்லோகனையும் பதிவு செய்யுங்கள்.

நீங்கள் தேர்ந்தெடுக்கும் பரிந்துரைகள் அதிக வாக்குகள் பெற்று வெற்றி பெற்றால், உங்களில் சிலருக்குக் காத்திருக்கின்றன சிறப்புப் பரிசுகள்.

கீழே உள்ள பட்டனை க்ளிக் செய்து உங்கள் வாக்குகளைப் பதிவு செய்யுங்கள்.

பரிசு குறித்த விவரங்களைத் தெரிவிக்க உங்கள் மொபைல் எண்/மின்னஞ்சல் அவசியம். எனவே Register அல்லது Login செய்யுங்கள்!